無綫J2主持文頌男癌症逝

 無綫J2主持文頌男癌症逝 

終年29歲

遺言：喺人生嘅最後一里路，

非常感謝親友同各界人士一直以嚟嘅支持同關心，

呢段旅程有你哋陪伴，我感到無比幸運同感激。

======================

無綫J2台主持、現年29歲 #文頌男 （Koba），去年10月確診患上罕見癌症「 #尤文氏肉瘤」 （Ewing’s Sarcoma），之後全面停工及積極接受治療，惟病情反覆。今晚約十時，其個人IG公佈死訊，他早已寫好最後的話。

帖文如下：

好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。

呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。

其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。

自從入院以嚟，到我撰文呢一刻（2024年7月10號），已經接近三個星期。唔好講病情冇好轉，反而越嚟越差。胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我可以喺外部摸到。有知覺嘅地方都感覺24小時都好痛，例如肩胛骨、頸椎、頭皮。

我仲有氣促，心跳長期偏快，依家要吸氧。每朝早都會有發燒嘅感覺，不過量體溫就量唔出發燒，而且仲會覺得好凍，但就出曬汗，身邊嘅人感覺我發緊熱。

醫院已經開咗好多唔同嘅藥畀我，不停調整劑量，雖然有抑制到大部分症狀，但仍然都係好辛苦、好唔舒服。

醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。簡單嚟講，依家就係等緊死，純粹希望死得舒服啲。

喺人生嘅最後一里路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。

【嗎啡份量越來越重 仍未能完全止痛】

Koba生前除了受癌魔煎熬，更要為醫藥費苦惱，病情惡化前，他曾撐著拐扙接受新城《QK玉瑛室》訪問，由開始治療至受訪時，接近9個月，當時正在做第17次電療，總共要做28次，面對龐大醫療費和生活支援，惟有在社交平台公開籌務醫藥費。

「剩係覆診做電療可能只係幾十或幾百，最貴係照Ｘ光，因為公立醫院要等半年先有報告，去私家照要萬幾至二萬，仲要局部照，呢個係最大負擔，而家短期內要幾十萬先夠我維持幾個月嘅醫療費用。」

Koba謂完成5次做化療後卻未見好轉，當時心情像跌入深淵，「做化療好辛苦，自己變得好虛弱，好似徘徊生死邊緣，又甩晒頭髮，冇以前咁好睇，覺得做咁嘢都冇用嘅，我仲醫唔醫得好呢？我仲近死亡近咗一步，成個情緒好崩潰，但我都好快收拾到，過咗幾日就已經唔再諗呢樣嘢，係咁提醒自己至少仲可以見吓朋友，仲可以開心到，唔好諗自己過得幾咁困難。」

「最辛苦係平躺做電療會好痛，第一次做電療時痛到呻吟，要用意志力忍住，做完副眼鏡濕晒，隻腳好似冇咗感覺，成個人震得好緊要，落床後跪喺出面十幾分先平復到。」Koba要靠止痛藥和嗎啡止痛，嗎啡份量越來越多，亦不能完全止痛。

Koba積極面對惡疾，訪問中亦不斷感謝支持他的人，「感謝大眾可能唔認識我，但都好熱心傳訊息鼓勵同捐款，好多謝你哋。」

【本月初曾被斥：你睡在家幹嗎？等死呀！】

不過，本月3日卻有一名曾捐款予他的網民，稱自己捐了4000元給他，又謂：「早知唔畀你、大嗱嗱4000元！你日日都無嘢做吧！你睡在家幹嗎？等死呀！」Koba無奈說：「依家係等緊死啊...擴散咗又半癱瘓。咁你想我點樣？去返工？去拍嘢？（你估我唔想？）招募大家捐款我都寫得好清楚，用喺我生活同醫療上，亦都係希望大家隨心…我淨係可以講句多謝你...」。

【父親拋妻棄子 母親獨力養大仔女】

文頌男堅強抗病，但提起母親便會不禁落淚。他12歲時，父親為了菲律賓情婦拋棄妻兒，並留下大筆債務，文媽媽無奈孭上一身債，邊工作還款，邊母兼父職養大一對子女。文頌男孝順乖巧，取得藝術管理及藝術教育雙學士資格，加入演藝圈追夢，媽媽一直很支持他。

60多歲的文媽媽為方便照顧愛兒，不惜辭去日間工作，晚上8時至清晨6時則做清潔工賺生活費，令文頌男非常愧疚。他過去較少對母親表達愛意，抗病期間才學懂愛要及時、愛要說出口，不時跟媽媽說「我好愛你」。

願一路好走，天堂沒痛楚！

#娛壹